《那麼近,又那麼遠》

如我愛女孩為我哭,是為了証明我的存在價值,變態嗎?(你並不變態,因為唔會有女孩為你哭的-0-)
愛 人只為了自己又可以嗎?
那年出現的女孩又是真命天子嗎?
現在我惱你, 你值嗎...?
那天自己一個走,是蠢了嗎?(我現在告訴你,你走得太遲了,傻仔)
有D野係自己爭取的,好似女呀,成績呀!

《透明紅的吸引力》
常言道眼鏡可以是一樣飾物,可能令人靚d or 醜d!

而最近就愛上透明紅的眼鏡,一種會令我心中起氾起了漣漪,一種久忘了的感覺令我對明日充滿希望,可惜戴個個人唔係我杯茶(掃興)

《好臭呀!快d室內全面禁煙啦!》

我家中有個吸煙老豆,對住佢真係好屌!成日一回家就煲煙,以前都會少d,但自從佢份工唔俾食煙之後,就變本加厲,把成日的份量攞曬返家食,我想死囉。唔講你唔知,講起佢點解食煙笑死你呀!因為┌唔抵得┘所以吸,我而家有鼻敏感都唔知係唔係有關,我仲feel到我個肺越來越差,我真係怕有日會白頭人送黑頭人,係因為佢的關係。今晚我真係忍唔住,d死人煙加上外面裝修的氣味,要攞個MASK戴。
講起食煙有時真係好ANGRY,係街ｄ全家富貴把唔食ｄ煙掉到垃圾桶時，又唔弄熄佢，有時同ｄ紙巾係到表演自燃，峰煙四起，再唔係一枝煙都會係到狂放尼古丁直到熄滅為止，特別當你企係車站，無得走時，想死！！
不過係死都死你先啦，全家富貴！！！

《太地殺海豚》

好耐之前,係《頭條日報》中林一峰所寫的文章中已經睇過佢所描述的短片,當時睇已經有d嘔心同驚左幾日,可以佢寫得太好啦,又或者係我想像力豐富啦,不過今日睇左之後,証明林一峰先生所言非虛,自問表達能力差,所以不打算多說,不過我以後都唔食生壽司啦!想知點解自己睇短片啦!
e個係個網→http://www.seashepherd.org/taiji/taiji_video.html
e個係段短片→http://www.seashepherd.org/video/futo_slaughter_1.wmv

《嘔心》
好嘔心呀!!!!!!!!有d人男人老狗,改d咁ga死o女人名,咩honey,亞豬,亞貓,越聽越核突呀!想死!!
今日打閃避球,呵呵!因為我而輸了兩次,囧,太差了慘不忍睹,我的球類運動消失吧!!

《囡呀!囡呀!過黎洗鍋呀!》
最近流傳一個趣聞,某人A腳毛,生長得特別豐盛,把同坐小巴的某人B
弄痛了,某人B笑說佢D似鋼絲擦,可以洗鍋,某人A更爆出一個天大的爛GAG:'係呀,我亞爸係屋企會叫"囡呀!囡呀!過黎洗鍋呀!"'.........................
..................................................................................................
..................................................................................................
..................................................................................................
..................................................................................................
..................................................................................................
..................................................................................................
..................................................................................................
..................................................................................................
..................................................................................................
..................................................................................................
..................................................................................................
..................................................................................................
..................................................................................................
..................................................................................................
全車默然,眾人點點點
仲有另一個爛GAG,其實個爛GAG某人B講嫁....
笑死左

《搞下個blog先,唔係會臭!》

今日仲同人發緊皮四,同佢一起又唔講野,好似好幼稚,不過理你呀,e d係發自內心,不過學個fd話都係唔好發咁耐,唔係收唔返,不過我要收放自如,令佢貼貼服服,呵呵呵呵.............
(↑條友發緊夢)
不過我發皮四都係有奶油,條友話手製d試作型俾我,點知今日佢問佢個fd要唔要,佢又整俾佢,我聽到O曬嘴,唔係咩試作型原來係量產型,個死肥婆呀!我忍你.............................................
今日回家濕曬,早知係個站睇下靚女先出去啦,太濕了,明天見!!!!!!!

《好多個第一次+個心有條刺》

好耐無打啦,發生左好多野,不過講下今日d野啦!
今日第一次想係街鬧人,第一次係game center聽到頭痛,連輸三局,行街行到無隱,10點到中央圖書館溫書(真係溫到書).................................
一句總結希望=失望大,都唔明自己點解心身可以分離。
--------------------------------------------------------------------------
新宿街頭　十餘萬人
怎麼竟然　撞回熟人
問我共你　何解於街角擁吻
私奔心情　突然下沉
小小戀情　若然被擒
就會結束　攔途被責問
--------------------------------------------------------------------------
而家明白,咩叫心內有條刺,唔係話你講句就可以無,攞出黎都有個坑啦.

《夢想加洲觀後感》
終於睇完啦,e套電視劇係的之前同"Orange Days"一齊開始睇,"Orange Days"好快就睇完,而且好好睇,e套的觀後感就遲d先同大家講。講返夢想加洲先,其實我原本係為左睇柴咲幸先睇的,但睇落都唔錯,後來唔知點解我睇左一半就停了下來過左3個月先睇返,不過因為劇情大深刻了,令到我過左3個月都仲記憶猶新,這就証明他的編劇多勁,其實"夢想加洲"係用一個舊生聚會後,有4個人返去舊校談心,之後有人--通口孝平當住眾人面前問了一句:"未來不會有任何好事的"就去跳樓。之後用三個主角做主線的,分別係:

山崎終(21)-堂本剛 讀三流大學四年級,成積全是3,無特別優秀或特別差的地方,是個非常普通的青年"好似你同我一樣"。身邊的人都認為他是個無聊的人。在送貨公司打工。

麻生惠子(21)-國仲涼子 山崎終的中學同學。中學時是優等生,會念書又長的很可愛,是全班的偶像,但在大學考試時失敗而受到挫折。現在在丸八海苔本舖公司工作，在公司裡被上司寵愛，但其實很痛苦。

大場琴美(21)-柴咲幸 山崎終的中學同學。過去被取笑為醜女的她,對自己很沒自信。與在外資公司工作的竹內春樹交往，但對於對方能不能喜歡自己的內在感到很不安。擔任模特兒的工作。但在工作上無法作出笑臉，常常挨攝影師的罵。

講佢地點樣成為好朋友同回答朋友死前的說話"未來不會有任何好事的"
雖然睇落好似係講生同死的問題,但我反而從感受到友情的重要同可貴。
我總是覺得夢想加洲係俾我E個無存在感又唔知未來係點的非常普通青年"如主角一樣"睇,真係好有感觸。令我明白一個道理"那兒跌倒,就係那兒站起來"對我來講係一個鼓勵,鼓勵我重讀中六係一個正確的決定,希望大家都會睇啦!

唔知係唔係因為係TBS拍的,有一半角色都好醜怪,比ATV更醜...又可能係佢選角想真實點....!

有部份內容原自這裡

《PowerShotS45》

陪伴我多年的S45,係我第一次玩攝影的相機,但佢年時已高,情況係e一,兩年已經出現機件老化,方向鍵的上鍵,早早按不到,但當我還可以用其他三個鍵,我就不了了之,但上一個月,其餘三個鍵終於相計不到,要運氣加耐性才按到的鍵,i call it "運耐鍵"

對於我e個會用到方向鍵在拍攝時作調教iso,快門,光圈的人來說,e部機已經死了,佢只係一部只有油門[快門]的車[相機]。

佢部我渡過不少的歲月,拍過不少的美女"唔好兩頭望,無你份"。e部機係我家03年買下的,當時都係最新型的"不出兩個月S50就出左,\0/"。我帶過佢去好多地方,包括上海,寧夏,北京,我都係e兩,三年先去咁多外地,而佢就有咁的機會都算係死而無憾啦!

其實又唔洗咁快寫e個,我都有排未有錢去換佢,家人又唔出錢換,等我換就三四年之後的事了,我好唔好打工找錢,e個我唔知,但下部機係DSLR,我就知^.^

《美食特集之一》
其實好耐之前已經對煮野食有興趣,但我媽媽又怕我入廚房會有損傷咁,唔教我。
直到前幾年,我媽媽終於教我啦!(想我代佢煮)但又輪到我唔多想學。(學左要日日煮)
總之而家我都叫識煮,而這個美食特集系放上我平時吃到or見到的美食俾大家知。

一.系我煮麵時發明的(可能唔系獨創)---火腿蛋。先煮熟火腿,再在煮麵的時候,放上兩片火腿,把蛋打在其中一片火腿上,由另一片火腿覆蓋在上面,把在底的面放在火腿上,煮30秒就可以熄火。你就會有一塊,由兩片火腿夾住一塊蛋的火腿蛋。d蛋唔系太熟,又唔生,好味!
二.豬魚肉餅,我媽媽煮,我唔系太知點煮,大約系豬肉同魚肉攪碎,撈在一起,拌至起用膠,再加入梅菜,豬肉同魚肉比例為一半or豬多魚少(唔係太清楚,自己試啦^^),之後就攞去蒸熟佢。口感有d軟同彈口,好似我中一吃蒸飯的那塊肉餅一樣,好懷念呀!下次見,拜拜!

《守護》

老人:「你知道點解你早出世?」

青年人:「．．．唔知」

老人:「因為你要保護遲d出世的弟妹!」

青年人笑著答:「唔!」

當你做唔到的事,你總會想做,而且做得更好。

想令自己做唔到的事減少,令自己做到的事增加吧!

我會以此為目標!

《無聊》

你有試過無聊嗎?一定有!很多人無聊都會找事做or Hea在家打發時間!

你相信有人會找人嘈嘴來打發時間嗎?一定有!因為這個地有很多這等無聊人!

正人渣。

一萬元可以幹多少事,可以幹你@#,你天生犯賤自己事,點解要搞上我的頭來?太歲頭上動土,我要你死30次都未夠。我唔會直接害死你,但會為你的死加入催化劑,我會係一旁睇住你死,睇住烏蠅係你冰冷身上產卵,睇住蛆在你面上鑽出來,一條一條鑽出一個又一個的洞,之後你會向我發出今人心寒的露齒微笑,因為你牙齒上的唇已被吃掉。不知第幾天,你肥胖的身體流出的屍水把附近的植物弄枯,你的指甲和頭髮不曾停止地生長着，因為你的皮膚已不餘下一絲。

以上係我無聊時會做的^^。

Ｂｙ　黑蕉

《新開始》

唔知點寫好久無寫,仲唔知寫e個網,就聽收啦

隔左咁耐,發生左好多野,好似日日係家中發白夢,為beijing之旅唱歌,出發7日的beijing之旅,識左好多人,但e d都係之前計畫好的,而玩在我就要為將來計畫了。

係今日我出發了,我去左學巴西戰舞(capoeira)係個道我識左兩個人,佢地係姐弟,佢地好好感情,會手拖手^^,有d羨慕添。capoeira都幾好玩,個導師係外國人,都有好多外國人玩。

之後約左人游水,點知佢放jj,我怒怒地走去睇notebook,點知睇睇下就買左部nec的notebook,我俾完錢之後,眼都突(←錯字)左,成7,848。我而家都唔知點算,唔知有無人會用4,000收留佢黎,佢個cpu係adm的1.8gz,1g ram,80gb HD,15'吋芒同可以DVD燒碟,都OK嫁,有緣人仕今日好覆啦,CU!!

睇圖啦!http://www.flickr.com/photos/54386042@N00/196199630/

《回憶三百六十五天》

HIHI!好幾天無寫啦!同你講下發生什麼事啦!

昨晚吃晚飯時,邪惡.因(班主任),打黎話俾我知我留班了,知道后我並沒有吃不下飯,反正我早早預左。只是驚訝原來我老豆晨早知道卻沒有同我講,都唔知佢點想,可能怕傷我心,其實留班對我也不是大事,雖然我未試過,不過都係浪費一年啫,但E一年發生過好多事,於是我就回顧一下我的相簿。

原來係舊年我6月30日,我同Marco一起去了海洋公園,E個好似係我同人第一次一起影相--我的拍照生涯開始了。

7 月11日我地又去了海防博物館拍照--那一年,我好像和海分不開一樣。

過了幾天,我的姪又到我家玩了,我也玩了佢,叫佢用手機扮鬚刨,當時的確好玩,但此情不再,因為佢個媽媽太「好」了。

之後7 月29日又去了赤柱,又係海 ^.^

8月1日去了動漫節,好玩

8月中又去澳門,第一次去,個天好藍,d野都唔算貴,又有美相陪,正呀!澳門給我一個美好回憶!找時間我會回來的!

這個夏天就完了,唔知今個夏天會點??期待中...

Bye Bye!!

《Lost觀後感》

今日一次過睇左13集《lost》第二季,好正。明天會睇曬。
真係好佩服的製作人員同編劇,第二季依然可以加入新血,不斷發展的劇情,而個島依然咁神秘。
最初得知《lost》的存在,是無意中由有線的AXM電視台收看其製作特緝而認識的。當時第一個感覺係好逼真,我一定要睇,因為佢有我最愛的荒島求生,災難原素,加上充滿電影感的畫面,絕對係我的至愛。
明天再續...

續:今日已經睇曬啦!編劇再一次發揮其驚人想像力,把荒島上所發生的事,會影響到外界,這一個<迷>引出來,吸引觀眾追看第三季。
基本上《lost》第一季,經已說明,眾人跌落的,唔係一個荒島,而係另外一個世界,這世界可以發生任何事情,可以係熱帶雨林出現北極熊;會有另外一幫住在島的另一面,仲極富攻擊性,生人勿近;又會有好多以前的出事飛機和船;尤如恐龍般,但又無出現樣的怪物襲擊;片尾的神秘倉門。一切都令你一頭冒水。
當你以為《lost》第二季,會為你解開任何迷!恭喜您!咁你又上當啦!編劇無解過迷,只會引發更多迷。唯一解了的迷係恐怖怪物背后,原來只係一堆煙,死未?咁好想像力都有(可能係個編劇煲煙dog橋,dog到無料,就古老當新潮)。

《lost》特色之一:角色有好多回憶的片段,穿插片中,今觀眾明白角色的想法和行為(雖然我依然唔理解米高找仔,近乎痴線的行為,出賣朋友,殺人唔眨眼),去到第二季,編劇依然用這條橋(花了很多集數,為左減慢劇情的發展!),帶出角色之間有很多的共通處(點解咁多共通處?又係叫你睇落去囉!) 。

我覺得《lost》一係難尾,好似《roswell》咁,如果唔係個尾都會幾難,好似《多拉A夢》咁,原來只係D人精神病想出來,又或者全部人都吸住氧氣罩,俾外星人做緊精神實驗!(哈!我真係好想像力,可能真係俾我估中)
其實《lost》已經可以擺上神枱,成為經典。

<燒章魚丸>

昨天黃昏時間和Marco傾電話,后來說起一間叫GINDACO(築地)的燒章魚丸店。Marco越說越好味,我就越聽越興奮,一時性起就想到該店試一試。我本着創Blog理念,加上不堪美味和飢餓的誘惑(還有幾小時才吃飯),於是我就動身到旺角位於山東街40Q號的築地分店吃燒章魚丸。
當我到達山東街40號之時,發覺並無此店,-O-!!
后來打電話細問才知我在的是山東街40K號,而山東街40Q號,在彌敦道的另外一邊,住邊麼多年都不知道香港的街道號碼分A-Z。
幾經辛苦,終於到了築地,先為友人拍攝廚師弄燒章魚丸之短片后,就去買我夢寐以求的燒章魚丸了。
第一次買,我買了燒汁味,加了蛋黃醬和.....(忘記了)
總之那裡的燒章魚丸比出面的大粒,而裡面真的有章魚肉,熱烘烘的感覺真好!!!燒汁也不錯,賣相也相當好.可惜...可惜...
可惜25蚊六粒,對我來說,未免太貴了...
不值,不過"人一世,物一世"點都要試一下。
我興幸今天的我還有能力買來試..............興幸可以享受.好奢侈,好幸福,好矛盾.... 的感覺。

《開張大吉》

呀~~~~~~~~~~~~~今日係小第今一日貼Blog
點解開Blog?
1.本着人人都有的心態
2.以此改變自己,警惕自己
3.多D人認識我
4.同大家交流,交流
大致上係咁多。